පෙරුම් පුරනවා මම මුළු හදවතින්ම....

නෙත් පියන් පියවෙන විට

මැවෙන සුන්දර සිනහව

දැකගන්න හැබැහින් නිතරම...

පටලවන් අපෙ දෙඅත්

සැදෑ හිරු රැස් තුලින්

ඇවිද යන්නට දුරින් දුරට...

සිරි සිරි පොද වැස්සක

මල් මල් පුංචි කුඩය යට

රුදෙන්නට ඔබෙ ලගින්ම...

අරගන්න මගෙ ලගට

හැමදාම සෙනෙහසින්

තුරුලුකර ආදරෙන්...

බැද මාල හත ගෙලේ

පුංචි මනමාලියක් කර

කැන්දාගෙන එන්න...

පෙරුම් පුරනවා මම මුළු හදවතින්ම......

ආදරණීය සිතැත්තියට, සුභම සුභ උපන්දිනයක්

සිව් වසරක ආදරයේ
තවත් සොදුරු දිනයක
එලිපත්තේ සිට අකුරු කරමි මම
සුභ පතන්නට අදර සිතින්
සිතින් එක් තැනක රුදුනත්
ගතින් දෙතැනක තවම
ගෙවී ගිය අතීතයෙ
සුන්දරම දින තුනක්
මේලෙසින් උදාවී
නිවවෙලා ගිහින් ඇත
ඒ කිසිම දිනයක
ලගින් හිද සුභ පතා
හාදුවක් තවරන්න
ඔය නලල්තලය මත
නෑ ඉඩක්  හිමිඋනේ
උදාවන අද දිනේ
දුව ඇවිත් නුබෙ ලගට
මැදි කරන් මගේ දෝතට
සුභම සුභ උපන් දිනකට
ගෙනෙන්නට ආසිරි මල්
පතනෙමි පැතුම් මං
එන තුරා ඔබෙ ලගට
අකුරු කර සිත මගෙ
පතන්නෙමි ඔබට
සුභම සුභ උපන්දිනයක්...

සගවන්න කදුළු කැට හැකිවේද මගෙ නෙතට...

බෝ දුරක් ඇවිද ආ
අතීතය සුන්දරයි
සිනහවෙන් පිරි දින
ගෙවී ගොස් ඇති හැඩයි
තුන්යමේ අවදියෙන්
අද මගේ සිත හඩයි
දැනුනාද නුඹට එය
මගෙ පුංචි සමණලී...

මම දුප්පත් සමණලයෙක්
දැන සිටිය නුඹ හොදට
පියබලා බොහෝ දුර
රිදෙන අත්තටු වලින්
වෙහෙසිලා සිත මගේ
රිදුම් දෙයි මුළු ගතම
සිතේ සවි වඩාගෙන
යමි තවත් බොහෝ දුර...

අරගන්න නුඹ ලගට
මම නේක දුක් විදිමි
නොවේ එය මට දුකක්
දකින විට ඔබෙ මුහුණ
දැන දැනම හැම දේම
නගන විට දොස් මෙමට
සගවන්න කදුළු කැට
හැකිවේද මගෙ නෙතට...

සත්තයි තරහින් නොවෙයි මගෙ මැණික........

පාළුව රජ යන අදුරු වෙලාවක
ඇවිත් සිත තුල සක්මන් කල අපූරුව
ඇත්තමයි නොසිතුනි එදා මට
ඔබ මගේ නොවන වග
සොය සොයා රුව ඔබේ
වෙහෙසෙන නුවන් යුග මගේ
ඇදුන බව ඔබ පිටිපසින්
නැතිද ඔබ දැන සිටියෙ
දැනදැනම අන්සතු බව
ආදරය කරන මගෙ හිතට
තරවටුවක් කල විට
පැවසුවා හිනහිලා
ඔබ මගෙම බව දිනක

එක් වෙලා දෙහිත් අප
ඉටු වෙලා පැතු පැතුම් අද
දෙහිතම යාවෙලා එක් තැනක
එහෙත් දෙතැනක තනිවෙලා අප
ගොඩනගන්නට අපේ ලොව
කෙලෙසනම් හැකිවෙයිද
හිතනවිට නොදැනීම
පැමිණිලා කදුළු කැට
ඔබෙ නෙතට
පිසදමා නෙතු යුග
සනසන්න හිස සිබ
ලග නොමැති බව දැනෙන විට
රිදෙන මගෙ හිත සගවන්න
කලේ තරවටුව
සත්තයි තරහින් නොවෙයි
මගෙ මැණික...................