ලොකු ශානාගේ ඉස්කෝලේ හොදම සෙට් එක හිටියෙ සා/පෙළ කරන කාලේ. 6 වසරේ පන්තිවලට දැම්මට පස්සේ අයේ වෙනසක් කරන්නෙ නෑ ඒ හින්ද 11 වසර වෙනකම්ම ඉන්නෙ එකම සෙට් එක. කට්ටිය මාර ෆිට්. ඒ සෙට් එක අදටත් හොදම මිතුරන් මොකද අවුරැදු 7ක්ම එකට හිටිය හින්ද. නටපු පිස්සු, ගත්ත ආතල් කියල නිම කරන්න බෑ. ඉයේ රෑ මුණුපොතින් හම්බවුන අපේ බුට්ටි ලොකු ශානාගේ බ්ලොග කියවලා ලියන්න හොද කථාවකුත් මතක් කෙරැවා. කථාව කියන්න කලින් හිටපු සෙට් එක මතක් කලානම් හොදයි කියල හිතුන. කථා දෙක තුනකම හිටිය දිනා හිටියෙත් ලොකු ශානත් එක්ක එකම පන්තියෙ. එතකොට වන්නිය, මුට්ටිය, මධුරංග, දුශ්මන්ත(දැන් කතෝලික පියතුමෙක්), විශ්ව(අපෙන් සදහටම සමුගත් දයාබර මිතුරෙක්), රංදික, හොටා, ප්රවීන්, අමරේ, පූසා(අරැණ), චේතිය, කුෂා, හදයා(මංජුල), සුරංග, හර්ෂ, ශෂික, යොහාන්(මුටත් මොකක්ද නමක් කියුව මතක නෑ හරියම), දේවින්ද, ශශී, ගයාන්, ගයන්ත කොල්ලොනම් එච්චරයි වගේ මග ඇරිච්ච එකෙක් හිටියොත් සොරි වෙනන ඹ්න. මේ කෙල්ලො ගැන්සිය. මට මේ කථාව මතක් කරපු අපේ බුට්ටි(මේකි තමා මතක හැටියට පන්තියේ පොඩිම), හර්ෂි, පච්චෙ, රංදි, නිසංසලා, වින්ද්යා, සකූ, චතූ, සමාදි, කල්හාරි, ජයමිණී, හසිතා, භාග්යා, මහේෂි, දුලංජලී අනිත් සෙට් එකේ නම් මතක නෑ තරහ වෙන්න එපා කෙල්ලනේ(නම් ටික දැම්මේ අපේ සෙට් එකට මතක් වෙන්නටය. කියවන්න කම්මැලිනම් ඒ ටික නොකියෙව්වාට ලොකු ශානා තරහා නැත)
දැන් කථාවට එමු. අවුරැද්දට සැරයක් කොහෙහරි විනොද අධ්යාපන චාරිකාවක් යනවනෙ මේ කියන්න යන්නෙ 10 වසරේ ගියපු ට්රිප් එක ගැන. අපේ ප්රධාන සංවිධායක තුමා මධුරංග. චාරිකාව යන්නෙ කිරි නිශ්පාදන කම්හලක්(කොකද මතක නෑ) බලන්න, ග්රහලෝකාගාරෙ බලන්න, සූගාල සූ එක බලන්න සහ දවල්ට කන්න පාර්ක් එකට. මගේ මතකේ හරිනම් ඕකයි ගමන්මග. කොහොමින් කොහොම හරි කට්ටිය සෙට්වෙලා ගමන යන්න පිටත් උනා. අපිත් එක්ක අපිට උගන්වපු ගුරැවරැ කිහිපදෙනෙක්මත් ගමනට සහභාගී උනා. විශේෂයෙන්ම කියන්න ඕනා අපේ ඉන්ද්රාණි මිසුත් ආව(ඔව් ඔව් ජේවීපී මිස් තමයි) මොකද මේ කතාවෙ හොදම හරියෙ ප්රදාන චරිතෙ රගපාන්නෙ මිස්. ඔන්න දැන් ගමන පිටත් වෙලා අර කිරි කම්හල ලගටත් ආව. අපේ සංවිධායක තුමයි තව සර් කෙනෙකුයි බැහැල ගියා ඇතුලට යන්න අවසර ගන්න. ටිකකින් දෙන්නම ආපහු ආව අපේ සංවිධායක තුමාගෙ මූන දෙක වෙලා. මොකක්ද දන්නවද හේතුව ඒක බලන්න යන්න කලින් අවසර ගන්න ඕනලු අපේ සංවිධායක තුමා ඒක දැනගෙන ඉදලා නෑ. දැන් ඉතින් මොනව කරන්නද අපිත් ඉතින් හැරිලා ආව. ආ තව පොඩ්ඩෙන් අමතක වෙනව කැළණි පංසලටද කොහෙදත් ගියා මතකයි.
ග්රහලෝකා ගාරෙදිත් උනේ ඔය වගේම සිද්දියක්. එතනටත් කලින් දැනුම් දීල තියන්න ඕනලු. ඇතුලට යන්න පුලුවන් හැබැයි හිටගෙන තමා බලන්න වෙන්නෙ. මොන මගුලක්ද මේක හරියන්නෙ නෑ කියපු අපේ සෙට් එක ග්රහලෝක ගාරේ වටෙන් බලාගෙන ආව. දවල්ට කන්න පාර්ක් එකට ගියපු වෙලාවෙ ගහක හිටපු කුරැල්ලෙක් නිසා ලොකු ශානටත් ලොකු අකරතැබ්බියකට මුහුණ දෙන්න උනා(දන්නෝ දනිති). දවල් කෑමෙන් පස්සෙ හොදට වේලාව අරන් අපේ සෙට් එක කූඩු කරල හිටපු සත්තුටිකනම් බලාගත්ත. වෙලාව නැතුවයේ අප්පා වෙන කොහොවත් ගියේ නැහැනෙ. එන ගමන් ගොල්පේස් ගිහින් කුරැලු තොරන් ටිකකුත් බලාගෙනම අපි අපහු එන්න පිටත් උනා. එන ගමන් අපේ සෙට් එක කතාඋනේ පහුවදා ඉස්කෝලෙ නොයා ඉන්න හොරාට නෙමේ ගුරැවරැන්ගෙ අවසරේපිට. අපි හොර වැඩ කරන්නෙ නැහැනෙ හොද ළමයිනෙ. හැබැයි ඉතින් මේකට අපේ සිංහල මිස් තදින්ම විරැද්ද උන හින්ද වැඩේ අප්සට් උනා. කොහොමහරි කාටවත් කරදරයක් නැතිව ජාමෙ 12ට කලින් අපි ගෙවල්වලට ගියා.
ඔන්න ඉතින් පහුවදා කට්ටියම කුකුල කරේ තියන් ඉස්කෝලෙට ආව. දැන් කට්ටියගෙ ප්ලෑන් එක අපිට ගෙදර ඉන්න දුන්නෙ නැති තරහට සිංහල මිස්ට ගේමක් දෙන්න. ඒත් ඉතින් කාටවත් අදහසක් අවෙ නෑ මොකද කරන්නෙ කියල. ටික ටික කාලවේලාවත් ගතවේගන යනව. සිංහල පීරියඩ් එකට කලින් තිබුනෙ මොකක් හරි අතිරේක විශයක්. පන්තියෙන් භාගයක්ම එලියට ගිහින් එහෙම වෙන දවස්වලට කට්ටිය පන්තියට එනකොට අනිත් පීරියඩ් එකේ මිස් හරි සර් හරි පන්තියට ඇවිත් ඉන්නේ. මේ කියන දවසෙත් එලියට ගියපු සෙට් එක එන්න කලින් සිංහල මිස් පන්තියට එන්ටර් උනා.
"ඒයි.. මිස් එනවා. අපි නිදිමතේ නිදි වගේ ඉමු"
අපේ එකෙක්ට කොහොන්දෝ මන්ද මරැ අයිඩියා එකක් ආව. දැන් කට්ටියම නිදි. මිස් පන්තියට ආවහම එකෙක්වත් නෙමේ පුටුවෙන් නැගිට්ටෙ. ඒ අතරෙ එකෙක් හීමීට නැගිටල කට්ටියවම ඇහැරවනව.
"නැගිටපල්ල... නැගිටපල්ල මිස් ඇවිල්ල"
ඒ පාර කට්ටිය නැගිටල මිස්ට අයුබෝවන් කියල එහෙම ඉද ගත්තා. මිස්ගෙ නෑ කිසිම හාවක් හුවක් රවාගෙන පන්තිය දිහා බලන් ඉන්නව. මං ඔය දැක්කමයි මිස්ට තරහ ගිහින් තියෙනවා. ටික වෙලාවක් බලන් හිටපු මිස් පොත් ටිකත් අරන් යන්න ගියා. අපේ උන්ට දැන් ෆුල් හැපි ඇයි වැඩේ හරි ගියානෙ. ඔන්න එතකොට අපේ අනිත් සෙට් එකත් පන්තියට ආව. උන්ට විස්තරේ කියන්න හම්බඋනේ නැහැ මෙන්න මිස් ආපහු පන්තියට එනව. තනියම නෙමේ රණයවත් අඩගහගෙන. රණයගේ අතේ දිග වේවැලක් හරි තමා වැඩේ තැන් ඉතින් කුම්බලාමාලු කෑවහම අර බලලට වෙන වැඩේට හපන් වැඩක් වෙන්න යන්නෙ. අපු ගමන් කෙරවලක ඉදන් කට්ටියට හොදට ලුණු ඇබුල් ඇතුව දීගෙන එනව. අනේ අර පන්තියෙ හිටපු නැතිඋන් උඩබිම බලනවා මොකද මේ වෙන්නෙ කියල. උන් පන්තියෙ හිටියෙ නෑ කියන්නවත් ගියෙ නෑ. ඒක තමා අපේ උන්ගෙ හොදම ගතිගුනේ මොන දේ කරත් එකට තමා කෙල්ලො ටිකත් එහෙම්මමයි හවුලෙ අපිත් එක්ක ගුටිකන්න හරි ඉන්නවා. ඒකනෙ තාමත් මේ ෆිට් එක.
කොහොම හරි පන්තියටම සලකලා ඉවර වෙලා රණයයි මිසුයි දෙන්නම යන්න ගියා. ඊට පස්සෙතමා අර පන්තියෙ හිටිය නැති සෙට්එක සීන්කොන් එක දැන ගත්තේ හැබැයි ඉතින් ඒ වෙලාවෙනම් කාටවත් හිනා වෙන්නවත් මතක නෑ. මොකද කට්ටිය මේවගේ දෙයක් මිස්ගෙන් බලාපොරොත්තු උනේ නැති හින්ද. දැන්නම් මතක් වෙනකොට හොදටම හිනා. සිද්දියෙන් පස්සෙ කට්ටියම ගිහින් මිස්ගෙන් සමාව ගන්න අමතක කලෙත් නෑ හැබැයි.
______________________________________________________
ප.ලි - පොස්ටුව කොටන්න සිද්දිය මතක් කරපු අපේ බුට්ටිට ගොඩක් තැන්කූ. අපේ සෙට්එක මේක කියෝල පහලින් කොමෙන්ටුවක් දාන්නත් අමතක කරන්න එපා. අපේ සෙට් එක ට්රිප් එක වෙලේ ගහපු පොටෝ එකක් බුකියෙ කොහේ හරි තිබුන ඒත් හම්බ උනේ නැහැ හම්බඋන ගමන් පොස්ටුවට දාන්නම්.
