ලොකු ශානා මේ දවස්වල ගෙදර ඉදගෙන වැඩය. (ශානා කීවාට ශාන නමින් අමතන්නේ එකෙකු පමණි ඒ ප්රශානයා ය. බොහෝ දෙනෙකුනම් ශාන් නමින් දන්නේ ය ඒ කොම්පීතර ලෝකය තුලය) ඒ අතරේ බ්ලොගයක් දෙකක් කියවන්නට ලැබුනේ ය. බ්ලොගයක් ලියන්නටද සිතුනේ ය. ලියන්නට දේවල්ද ගොන්නක් ගාලා අවේ ය. ඒනිසාම ගූගල් එකවුන්ටය තුල හොයාබැලූ ලොකු ශානාට 2010 විතර මුලපුරන්නට හැදූ බ්ලොගයක් දැක ගන්නට ලැබුනේ ය. ලොකු ශානගේ බොහෝමයක් වැඩ එසේය ලත් තැනම ලොප් ය. (අවසන් වන තුරැ කල වැඩ නැතුවාම නොවේ) කලකට ඉහත වැඩසටහනකට නාට්යක් ලීවා මතකය. ඒ 2000 හෝ 2001 දීය. මතකය නිවැරදිනම් එහි නම "අතීතයයි අනාගතයයි" විය යුතු ය.
කථා කේසේ උවද අද උදෑසන සිටම ලොකු ශානා බ්ලොග්තුල සැරිසැරැවේ ය. බ්ලොගයක් ලියන්නට ඇතිවී තිබුන උණද තවත් වැඩි වූනේ ඒ නිසාම ය. හවස්යාමයේ කොල්ලන් සමග කිරිකොට් ගසන්නට ගියද හිතේ තිබුනේ බ්ලොගය ගැනම ය. ඒනිසාමදෝ අද ශානා පිතිහරඹයේද අදක්ෂවිය උඩ පන්දු දෙකක්ම අත හැරියේ ය(ලොකු ශානාට හොදටම බැරි උනත් කිරිකොට් ගසන්නට හැකියාවක් ඇත). කිරිකොට්ගසා ගෙදර ආවේද බ්ලොගයගැනම සිතමින් ය. ගෙදර ආගමන් පොඩි ශානාගෙන් ඇසුවේ අපිත් බ්ලොගක් ලියමුද බං කියා ය.
ලොකු ශානා :- අපිත් බ්ලොගක් ලියමුද බං.
පොඩි ශානා :- මොන වගේ බ්ලොගක්ද? අර ___ එක වගේද?(ප්රසිද්ද බ්ලොගයක නමක් කියමින්)
ලොකු ශානා :- ඒ වගේම නැතත් මොකක් හරි ලියමු බං
පොඩි ශානා යනු ලොකු ශානාගේ එකුස උපන් මලයා ය. වයස් පරතරය අවු.8 පමණ නිසාදෝ දෙදෙනාගේ ඇරගැනිලි වලිවල ඉවරයක් ද නැත්තේ ය.(මේ පෝස්ටුව දැකද එයම වන්නට පුලුවන) දෙදෙනාම කොම්පීතර උණ කාරයන් නිසාදෝ පොඩි ශානාද එක පයින්(හැබැයි ඇද උඩ නිදාගෙන හිටියෙ) වැඩයට කැමති විය. පොර ඒ වන විටද මුහුණු පොතට පෝස්ටුවක් කොටා තිබුනේ වැඩ පටන්ගත් බව කියන්නට මෙනි. අවාසානය සිතැගියාවේ බිහිවීමය.(නම නම් ලොකු ශානා අවු.3කට පෙර දැමූ නමමය) ලියන්නට බොහො දේ ය. එකින් එක පෝස්ටු කොටන්නට පටන් ගන්නේ ය. සහයට පොඩි ශානා ද සිටී. මෙයද ලොකු ශානාගේ ලත් තැනම ලොප් වන්නාවූ ගොඩටනම් වැටෙන්නට නොදෙන්නේ ය.
පිය මැන ගිය අතීතයේ මතක පියසටහනකින් හමු වෙන තුරැ හැමොටම ජය පතමි.
No comments:
Post a Comment