අලුත් ලේබලයකින් පෝස්ටුවක් කොටන්නට සිතුනේය. ලොකු ශානා හොදට කළගුණ සලකන්නට දන්නේය. මේ පෝස්ටුව ඒ සදහාය. පුද්ගලයෙකුටනම් නොවේය. නමුත් තුතිය ඒදවස සිට එහි සිටි සෑම දෙනාටමය. ළ.ක්රි.වී යනු ළමා සමාජයකි. ලොකු ශානා කොඩි විකුණුවේ ද ඒ ළමා සමාජයේ සිටියදී ය. අද ලොකු ශානා කරන බොහෝ දෑ වල මුල් පන්නරය ලැබුවේ එයින් ය. ලොකු ශාන අද ගුරැවරයෙකි, විටෙක දේශන වලටද යන්නේය. ඒ සියල්ලට මුල් අඩිය තැබුවේ ළ.ක්රි.වී යෙන්ය. අද දහක් දෙදහක් ඉදිරියේ කථා කරන්නට බය නැති වූයේ ද ළ.ක්රි.වීය නිසාය. කලින් පොස්ටුවේ කීවා මෙන් නාට්ය කරන්නට ඉගෙන ගත්තේද ළ.ක්රි.වී යෙන් ය. කියන්නට ගියහොත් පොස්ටුව සෑහෙන දිග වන්නේය.
ළ.ක්රි.වීය ලංකාවට අවේ කතෝලික ළමුන්ගේ ළමා සමාජයක් ලෙසය. එහෙත් දැන් එහි ජාති, ආගම් බේද නැත්තේ ය. ලොකු ශානට එයට සම්බන්ද වීමට හැකි වන්නේ ඒ නිසා ය. ඒ 2000 වසරය මීට වසර 13කට පෙරය. දිනා ලොකු ශානාවද ඇදගෙන ගියේ මේ ළමා සමාජයට. එය මරැය, සෙල්ලම් කිරීමටද හැකිය ඒ දවස්වල සිතුනේ එසේය. කතෝලික මිතුරනුත් සමග හරිහරියට ගැටී සෙල්ලම් කරේය. විවිද තරග වලටද සහභාගීවිය. ටික දිනකින් දින 3ක නේවාසික පුහුණුවකටද සහභාගීවිය. 60ක් 70ක් සිටි කතෝලික දරැවන් අතරේ සිටි එකම බෞද්ධ ළමයා ලොකු ශානා ය. අවුලක් නැත සමහර අවස්ථාවක අනෙක් සැමටම වඩා ඉදිරියෙන් ඉන්නට හැකි විය.
ලොකු ශානා නාට්ය කරණයට අත් පොත් තැබුවේද ළ.ක්රි.වීයෙනි. අපේ ලංකා අද නාට්ය උපදේශක වරයෙකි. ඔහුද මාද නාට්ය කලේ එකටය. කාලයත් සමග පරිනතවී අප වේදිකා නාට්යක්ද කලේය. එය අපේම නිශ්පාදනයකි. නලු නිලියන්ද අපිමය. සැමටම පන්නරය ළ.ක්රි.වීයය. ලොකු ශානා ඩයලොග් ආයතනයට සම්බන්ද ඇඩ්වර්ටයිසින් ආයතනයක රැකියාවක් කලේ උ/පෙළ අවසන් වනවාත් සමගය. තනතුර මයික් කන්නාය(නිවේදක) තිබුනේ ඩයලොග් ආයතනයේ ප්රමෝෂන් වල නිවේදන කටයුතු කරන්නටය. ලවුඩ්ස්පීකර දෙකක් සවිකර තිබූ පොඩිවෑන් එකකුත් ලැබුනේ රියදුරැ කොලුවෙකුද සමගය. ප්රමෝෂන් එක ඇති තැන සිට කිලෝමීටර 10ක 15ක වටප්රමාණයක් මේ වැන් රියේ ගොස් ආවරනය කරන්නට සිදුවූනේ ය. දුරකථන ආයතන වල ප්රමෝෂන් තහනම් කරනවාත් සමග රැකියාවද නැති විය. එහෙත් එතෙක් රැකියාව කරන්නට මුල් පන්නරය ළ.ක්රි.වී යෙන්ය.
අද ලොකු ශානා තොරතුරැ තාක්ෂන උපදේශක වරයෙකි. ළමුන්ට කතාකරන්නට, යමක් පහදා දෙන්නට මුල් පුහුණුව ලැබුවේ ද ළ.ක්රි.වී යෙනි. ඒ අනුශාෂක වරයෙකු ලෙස වැඩකරන්නට පෙර ලැබුනු පුහුණුවෙන්ය. පුහුණුව අතරතුර පැවති දේශනයකට විරැද්දව මම සහ දිනා කථා කල හැටි අද වාගේ මතකය. දේශනයෙන් පසු ළ.ක්රි.වීයේ ලොකු අයියා(ලොකු ප්රියන්ත අයියා) අපිදෙදෙනාට වෙනමම දේශනයක් දුන්නේ ය. එදා ලැබූ පන්නරයෙන් අද පුංචි උන්ගේ සිත් වලට කථා කරන්නට ලොකු හැකියාවක් ලොකු ශානාට ඇත. ලෝකයේ අමාරැම වැඩය පුංචි උන් සමග වැඩ කිරීමය. උන්ගේ හිත් අදුනාගැනීමට ඒ හිත් වලට කථා කිරීමට හැකිනම් එය ලෝකයේ ඇති සුන්දරම දෙයද වන්නේය. උන්ගේ හිත් වල තරහ, වෛර, ඉර්ශ්යාව නැත්තේ ය.
අද ලංකාව වටේම ලොකු ශානාට මිතුරැ මිතුරියන් ඇත. ඒ හැමෝම ළ.ක්රි.වීයේ අදරණියයන්ය. පුංචි දරැවන් සමග වැඩකරන්නන් ය. ළ.ක්රි.වීයේ පන්නරය ලැබුවන් ය. ලොකු ශානා මෙන්ම ඔවුන්ද ළ.ක්රි.වීටය තුතිපුදනු නොඅනු මානය. ආදරණියය ළ.ක්රි.වී යට බොහෝමත්ම තුති.
ප.ලි. - ලොකු ශාන තවමත් ළ.ක්රි.වීයත් සමග බැදී වැඩකරන්නේය. ඒ පුංචි උන්ගේ හෙට ලෝකය දිනවන්නටය.
No comments:
Post a Comment